Reiðnámskeið.

Reiðnámskeið verður haldið á Siglufirði og hefst 6. júlí og verður í viku til 10 daga.
Námskeiðið er öllum opið.
Nánari uppl.  hjá Herdísi í símum 467-1375 og 698-6518
                                                                                              Hestamannafélagið Glæsir.

Tiltektardagur

Laugardaginn 9 júni var tiltektardagur hjá okkur, hreinsað var í kringum svæðið og kaffistofan tekin í gegn. Mætting var ágæt og endað var á að grilla pylsur og spjalla saman. Þökkum öllum fyrir.
                                                                                                                                       Glæsir.

Hestamenn athugið!

____________________________________________________________________________________________________________________________________________________

Vaktir hestamannafélaganna á Landsmóti 2012 eru með sama móti og áður.

Helstu störf á þeim vöktum eru eftirfarandi:

Hliðvarsla

Aðstoð við fótaskoðun

Innkomustjórnun

Upplýsingamiðstöð

Aðstoð á skrifstofu

Ýmis störf á svæði

Aukavaktir

Starfsmenn vaktana skulu hafa náð 18.ára aldri.

Starfsmenn hafa aðgang að mótinu á meðan á vöktum þeirra stendur en fá ekki almennan aðgöngumiða. Einnig má nefna að starfsmönnum er skaffaður matur á meðan á vakt stendur.

Þeir sem hafa áhuga á því að starfa á þessum vöktum eru beðnir um að hafa samband í gegnum netfangið landsmothugrun@gmail.com við fyrsta tækifæri og gildir þar reglan að fyrstur kemur fyrstur fær.

Mikilvægt er að senda Nafn, kennitölu, nafn hestamannafélags og símanúmer. Mér til aðstoðar í ár verðu Ragna Rós Bjarkadóttir og munum við hafa samband í framhaldinu til þess að finna útúr því hvað hentar hverjum og hvernær.

Þessar vaktir tókust mjög vel á síðasta móti og vonumst við til að sunnlendingar standi sig jafn vel og norðlendingar gerðu á síðasta móti. Koma svo!

Með vissu um góðar undirtektir,

Hugrún Ósk Ólafsdóttir

Mannauðsstjóri Landsmóts hestamanna

Æskan og hesturinn

Sýninginn hjá krökkunum gekk mjög vel og fóru allir glaðir heim eftir að hafa snætt á hamborgurum :)

Þökkum Tínu kærlega fyrir :) p.s myndir koma inn fljótlega.

From Æskan og hesturinn 2012

From Æskan og hesturinn 2012

From Æskan og hesturinn 2012

From Æskan og hesturinn 2012

Æskan og hesturinn 2012

Næstu æfingar.

Föstudaginn 27 apríl kl. 17
Laugardaginn 28 apríl kl. 17
og þriðjudaginn 1 mai kl. 17.
Glæsir:)

Síðasta æfing:
Föstudaginn 4. maí kl 16:30

Æfing fyrir Æskan og hesturinn.

Næsta æfing er sunnudaginn 22 apríl kl 17.
Um að gera að skella sér eitthvað á bak og æfa sig þangað til:)
GLÆSIR:

Námskeið fyrir krakkana.

Æfingar fyrir krakkana að hefjast.
Sunnudaginn 15 apríl kl 17:00 .
Kennari Tina :)
Stefnan er tekin á Æskan og Hesturinn 5 mai á Akureyri.
Allir að mæta sem eru búnir að skrá sig.
Spurning um að þeir sem geta mæti á laugardag, 14 apríl kl. 17 með hestana
og taka smá upphitunn.
Glæsir.

Landsmót UMFÍ 50 +

Heilir og sælir kæru hestamenn

Helgina 8. – 10. júní verður haldið 2. Landsmót UMFÍ 50 + í Mosfellsbæ.

Á mótinu verður keppt í hestaíþróttum: fjórgangi, fimmgangi og tölti. Við hvetjum ykkur til að taka þátt í þessu skemmtilega móti J og senda þessar upplýsingar á sem flesta. 

Mótið er íþrótta - og heilsuhátíð með fjölbreyttri dagskrá. Ásamt keppni í hinum ýmsu íþróttagreinum verða frítt á fyrirlestrar, kynningar á íþróttagreinum, hóptímar í m.a. sundleikfimi, Zumba og línudansi. Einnig verður boðið upp á heilsufarsmælingar og fræðslu um hollustu og heilbrigðan lífsstíl ásamt fjöldi annarra viðburða. 

Framkvæmd mótsins verður í höndum Ungmennasambands Kjalarnesþings og Ungmennafélags Íslands í samstarfi við Mosfellsbæ og Heilsuvin.

Keppnisgreinar á mótinu eru: Almenningshlaup, badminton, blak, boccia, bridds, frjálsar hestaíþróttir, hringdansar, knattspyrna, kraftlyftingar, línudans, pútt, ringó, skák, starfsíþróttir, strandblak, sund, sýningar og þríþraut. Allir á aldrinum 50 ára og eldri geta tekið þátt í keppnisgreinum mótsins hvort sem þeir eru í félagi eða ekki. Þátttakendur greiða eitt mótsgjald og öðlast þar með þátttökurétt í öllum keppnisgreinum. Mótsgjald er 3500 krónur óháð greinafjölda. Frítt verður á tjaldstæði mótshelgina í Mosfellsbæfellsbæ. Skráning fer fram á heimasíðu mótsins www.landsmotumfi50.is.

Aðstaða til keppni í hestaíþróttum er öll til fyrirmyndar í Mosfellsbæ ásamt annarri íþróttaaðstöðu.

Sjáumst á Landsmóti UMFÍ 50 + í Mosfellsbæ helgina 8. – 10. júní 2012 kát og hress J.

Mínar allra bestu kveðjur,

Sigurður Guðmundsson framkvæmdarstjóri Landsmóts UMFÍ 50 +

Frekari upplýsingar um mótið er að finna inn á www.landsmotumfi50.is eða senda póst á sigurdur@umfi.is sími: 568-2929

FEIF Youth cup 2012

Æskulýðsnefnd LH auglýsir eftir umsóknum á FEIF Youth Cup sem haldið verður dagana 7.-15.júlí n.k. Mótið er haldið í Verden í Þýskalandi. Heimasíðan www.feifyouthcup2012.de er upplýsingasíða mótsins.

Skilyrði fyrir þátttöku eru:

• Reynsla í hestamennsku
• Enskukunnátta
• Keppnisreynsla í íþróttakeppni
• Sjálfstæði
• Geta unnið í hóp
• Reglusemi

Með umsókn þurfa að fylgja upplýsingar um reynslu í hestamennsku, mynd, keppnisárangur og upplýsingar um önnur skilyrði þátttöku.

Nánari upplýsingar fást á heimasíðu LH, www.lhhestar.is undir ´æskulýðsmál´ og hjá æskulýðsfulltrúum LH og hestamannafélaganna.

Umsóknir þurfa að hafa borist skrifstofu LH, Engjavegi 6, 104 Reykjavík fyrir 1.apríl 2012. Senda má umsóknir í tölvupósti á hilda@landsmot.is eða lh@isi.is 

Æskulýðsnefnd Landssambands hestamannafélaga