Tamningarnámskeið

12 janúar byrjaði tamningarnámskeiðið og voru það 9 félagsmenn í 3 hópum sem hittust 2 í viku í 5 skipti.
Þorsteinn Björnsson kennari á Hólum sá um kennsluna. Hér koma nokkrar myndir sem Fríða tók:) af áhugasömum nemendum og kennara. Fyrirhugað er að vera með námskeið í Knappamerkjum, en sami kennari mun sjá um það:) nánar auglýst síðar.

Ístölt Ólafsfirði

Námskeið í hestanuddi

Til stendur að halda námskeið í hestanuddi á Siglufirði ef næg þátttaka fæst, helgina 25-26 febrúar, næstkomandi.  Kennari er Catrin Annica Engström.

Námskeiðið stendur frá 9 - 16 á laugardeginum. Þá er bóklegur tími, vöðvafræði, ástæður fyrir nuddmeðferð og fleira.  Dagurinn endar á því að skoða hvar beinagrindin er í hestinum til að undirbúa nuddið.  Farið verður í að skoða og ræða hnakkamál og hægt er að koma með hnakkinn sinn til að láta kíkja á hann.
Á sunnudeginum er byrjað kl 10, hver og einn kemur með sinn hest. Farið verður yfir gripin og kennarinn fer á milli og hjálpar. Dagurinn endar svo með sýnikennslu i teygjuæfingum. Hver og einn fær bækling með sig heim. 

Námskeiðið kostar kr.19.200 per nemanda og lágmarksfjöldi eru 6 nemendur. Greiða verður staðfestingargjald kr. 6000 við skráningu.  Skráning og allar upplýsingar eru í síma 861-6727 eða í hestanudd@hestanudd.net fyrir  sunnudaginn 19.febrúar.

Tamningarnámskeið.

Fyrirhugað er að halda tamningarnámskeið eftir áramót ef næg þáttaka fæst.
Sennilega verður kennari frá Hólum eða 3 árs nemi.
Þeir sem hafa áhuga endilega hafið samband svo sjáist hvort áhugi sé fyrir þessu námskeiði :)
Nánari uppl og skráning, Simmi í síma s. 8664674.

Hestadögum lokið.

Hestamannafélagið Glæsir þakkar öllum félagsmönnum og gestum kærlega fyrir samveruna um helgina :)

Einnig öllum þeim sem sáu um undirbúning, þrif og þeim sem gáfu kaffibrauð, Sparisjóði Siglufjarðar, Aðalbakaríinu og Samkaup úrval fyrir góða þjónustu:) Án okkar allra er erfitt að halda svona góða daga.

Stjórnin.

Fleiri myndir inn á myndasvæði glæsis

Ef þið eigið myndir frá hestadögum endilega sendið okkur.

þessar myndir voru teknar af Fríðu.

Hestadagar 2011

Hestadagar eru að skella á, það þarf að fá tölu í grillið á laugardag vinsamlega HRINGIÐ í Halla  8935051 í síðastalagi í hádeginu á morgun 8. ágúst :)  Helen og Hulda ætla svo að hringja ykkur félagsmenn og biðja um kaffbrauð og kökur, vonandi mæta allir hressir og kátir :)

Stjórnin.

Áhugasamir nemendur hjá Herdísi

Fleiri myndir á leiðinni

Félagshólf

Þeir sem eiga hesta í félagshólfinu við hesthúsin eru vinsamlega beðnir um að taka þá, það þarf að hafa hólfið klárt á Hestadögum :) Bent er á að félagshólfið í Hólsdalnum er opið öllum.

Kv.Formaður.

Hestadagar 2011

Reiðnámskeið

Hestamannafélagið Glæsir verður með reiðnámskeið fyrir börn á Sauðanesi, kennari Herdís Erlendsdóttir. Námskeiðið hefst 18 júlí

og endar 23 júlí.

Þeir sem eiga hesta mega koma með þá á námskeiðið.

Skipt verður í tvo hópa :

Byrjendur  kl. 11

Lengra komnir  kl. 17

Hittumst í kaffistofu Glæsis sunnudaginn 17. júlí kl.18

Þá verður raðað í hópa og tekið við greiðslu.

15.000 þús.

Skráning fyrir 15 júlí.

Hjá Herdísi í síma 8489509 / 4671374

og Kollu í síma 8641552.

Glæsir